हेल्थ टिभी अनलाइन \काठमाडौं : नेपालमा सक्रिय कोरोना संक्रमितको संख्या क्रमस घट्दै गएको छ । सोमबारसम्म देशभर ४० हजार १११ जना कोरोनाका सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।

यीमध्ये ३८ हजार ८८३ जना होम आइसोलेसनमा रहेका छन् भने १ हजार २२८ जना मात्र संस्थागत आइसोलेसनमा रहेका छन्। कोरोनाको तेस्रो लहरमा अस्पताल भर्ना हुने र अक्सिजन सपोर्ट चाहिने संक्रमितको संख्या निकै न्यून रहेको पाइएको छ । जसका कारण अहिले देशका विभिन्न अस्पतालमा २५५ जना संक्रमित मात्र आइसीयूमा छन् भने ४२ जनाको भेन्टिलेटरमा उपचार भइरहेको मन्त्रालयको तथ्यांकमा उल्लेख छ ।

पछिल्ला केही दिन यता संक्रमण दर घटेर २० प्रतिशतभन्दा कममा आएको छ । नेपालमा कोरोना संक्रमणबाट निको हुने दर ९४ दशमलब ६ प्रतिशत रहेको छ ।