२५ माघ २०७८ , मङ्लबार

देशभर सक्रिय संक्रमितको संख्या ४० हजार १११, आइसीयू र भेन्टिलेटरमा २९७ जना

हेल्थ टिभी अनलाइन \काठमाडौं : नेपालमा सक्रिय कोरोना संक्रमितको संख्या क्रमस घट्दै गएको छ । सोमबारसम्म देशभर ४० हजार १११ जना कोरोनाका सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।

यीमध्ये ३८ हजार ८८३ जना होम आइसोलेसनमा रहेका छन् भने १ हजार २२८ जना मात्र संस्थागत आइसोलेसनमा रहेका छन्। कोरोनाको तेस्रो लहरमा अस्पताल भर्ना हुने र अक्सिजन सपोर्ट चाहिने संक्रमितको संख्या निकै न्यून रहेको पाइएको छ । जसका कारण अहिले देशका विभिन्न अस्पतालमा २५५ जना संक्रमित मात्र आइसीयूमा छन् भने ४२ जनाको भेन्टिलेटरमा उपचार भइरहेको मन्त्रालयको तथ्यांकमा उल्लेख छ ।

पछिल्ला केही दिन यता संक्रमण दर घटेर २० प्रतिशतभन्दा कममा आएको छ । नेपालमा कोरोना संक्रमणबाट निको हुने दर ९४ दशमलब ६ प्रतिशत रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।