१७ माघ २०७८ , सोमवार

यसअघि छुटेका ६० वर्ष माथिका जेष्ठ नागरिकलाई बुस्टर डोज दिंदै काठमाडौं महानगर

हेल्थ टिभी अनलाइन \काठमाडौं : काठमाडौं महानगरपालिकाले यसअघि खोप लगाउन छुटेका ६० वर्ष माथिका जेष्ठ नागरिकलाई आज र भोलि कोरोना विरुद्धको बुस्टर डोज खोप दिने भएको छ ।

यसका साथै यसअघि बुस्टर डोज लगाउन छुटेका अग्रपंक्तिमा काम गर्ने व्यक्तिहरुले पनि यो दिन खोप लगाउन सक्नेछन्। खोप कार्यक्रम महानगरका ३२ वटा वडाहरुमार्फत सञ्चालन हुने जनाइएको छ।

खोप विहान १० बजेदेखि ४ बजेसम्म जारी रहने महानगरले जनाएको छ । खोप लगाउनका लागि यसअघि दुबै डोज खोप लगाएको खोप कार्ड तथा आफनो उमेर खुल्ने परिचयपत्र भने लिएर जानपर्नेछ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।