हेल्थ टिभी अनलाइन\ काठमाडौं : देशभर थप ६ हजार ८२७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले जारी गरेको तथ्यांक अनुसार गत २४ घण्टामा १९ हजार ८६९ जनाको नमुना परीक्षण गरिएकोमा ६ हजार ८२७ जनामा कोरोना पुष्टि भएको हो ।

यसैगरी पछिल्लो २४ घण्टामा १० जना कोरोना संक्रमितको मृत्यु भएको तथ्यांकमा उल्लेख छ । योसँगै देशभर सक्रिय कोरोना संक्रमितको संख्या ८९ हजार ९४१ पुगेको छ भने मृत्यु हुनेको संख्या ११ हजार ६९७ पुगेको छ । यसैगरी आज ५ हजार ४३२ जना संक्रमित संक्रमणमुक्त भएका छन्।

मन्त्रालयका अनुसार अहिले १३९ जना क्वारेन्टाइनमा रहेका छन् । पछिल्लो २४ घण्टामा १ लाख २८ हजार ५६३ जनाले कोरोना विरुद्धको खोप लगाएका छन्।