१३ माघ २०७८ , बिहिबार

एकैदिन १५ जना कोरोना संक्रमितको मृत्यु, ८ हजार थपिए

हेल्थ टिभी अनलाइन \काठमाडौं : नेपालमा एकैदिन १५ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयले आज जारी गरेको तथ्यांक अनुसार गत २४ घण्टामा देशभर १५ जना कोरोना संक्रमितको मृत्यु भएको हो ।

योसँगै देशभर कोरोना संक्रमण भएर ज्यान गुमाउनेको संख्या ११ हजार ६८७ पुगेको छ । उता यहीवीच ८ हजार १७ जना नयाँ संक्रमित थपिएको पनि मन्त्रालयले जारी गरेको तथ्यांकमा उल्लेख छ । ५ हजार २९२ जना भने संक्रमणमुक्त भएका छन्।

मन्त्रालयका अनुसार देशभर रहेको खोप केन्द्रमार्फत गत २४ घण्टामा ५ लाख ५४ हजार ५६६ जनाले कोरोना विरुद्धको खोप लगाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।