Health TV Online
Health TV Online

९० हजार नाघे सक्रिय संक्रमित, काठमाडौंमा सबैभन्दा बढी

९० हजार नाघे सक्रिय संक्रमित, काठमाडौंमा सबैभन्दा बढी

हेल्थ टिभी अनलाइन \काठमाडौं : देशभर कोभिड -१९ का सक्रिय संक्रमितको संख्या ९० हजार नाघेको छ। बुधबार ८ हजार ४५४ जना थपिएसँँगै सक्रिय संक्रमितको संख्या ९० हजार ६७ पुगेको हो। जसमध्ये काठमाडौं उपत्यकामा मात्रै आधाभन्दा बढी छन्।

स्वास्थ्य तथा जनसंख्या मन्त्रालयका अनुसार हाल काठमाडौं उपत्यकामा सक्रिय संक्रमितको संख्या ५५ हजार ८०९ रहेको छ। जसमध्ये काठमाडौंमा ४० हजार १२, ललितपुरमा १० हजार ६९ र भक्तपुरमा ५ हजार ७२८ रहेका छन्। यसैगरी देशका १५ जिल्लामा पाँच सयभन्दा बढी सक्रिय संक्रमित छन्। दुई सयभन्दा बढी सक्रिय संक्रमित रहेका जिल्लाको संख्यान १९ पुगेको छ। सक्रिय संक्रमितमध्ये ८८ हजार २४८ जना होम आइसोलेसनमा छन् भने १८ सय १९ जना संस्थागत आइसोलेसनमा रहेका छन्।

कोरोनाको तेस्रो लहरमा संक्रमित अस्पताल भर्ना हुने दर पहिलेका दुई लहरका भन्दा ५ गुणाले कम भएको मन्त्रालयले जनाएको छ ।

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार