१३ माघ २०७८ , बिहिबार

खोप लगाउन छुटेका बालबालिकाले परोपकार प्रसुती र विरेन्द्र सैनिक अस्पतालमा गएर लगाउन सक्ने

हेल्थ टिभी अनलाइन \काठमाडौं : कोरोना विरुद्धको खोप अभियानमा विविध कारणले खोप लगाउन छुटेका बालबालिकाका लागि स्वास्थ्य कार्यालय काठमाडौंले दुई अस्पतालमार्फत फाइजर खोप लगाउने भएको छ ।

स्वास्थ्य कार्यालय काठमाडौंका प्रमुख शम्भु काफ्लेले यसअघिको अभियानमा खोप लगाउन छुटेका १२ देखि १७ वर्षसम्मका बालिबालिकाका लागि आज र भोलि काठमाडौंको परोपकार प्रसुती अस्पताल र विरेन्द्र सैनिक अस्पतालका खोप केन्द्रमा खोप लगाउने कार्यक्रम रहेको जनाए । उनले यसअघि खोप लगाउन छुटेका बालबालिकालाई आफूलाई पायक पर्ने नजिकको खोप केन्द्रमा गएर खोप लगाउन आग्रह गरेका छन्।

सरकारले १२ देखि १७ वर्षसम्मका बालबालिकाका लागि फाइजर र मोर्डना खोप लगाइरहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।