१२ माघ २०७८ , बुधबार

देशभर २८९ कोरोना संक्रमित आइसीयू र भेन्टिलेटरमा उपचाररत

हेल्थ टिभी अनलाइन\ काडमाडौं : देशभर सक्रिय कोरोना संक्रमितको संख्या बढेको भए पनि हाल २८९ जना संक्रमित मात्र आइसीयू र भेन्टिलेटरमा उपचाररत रहेका छन्।

हाल रहेका ८८ हजार ९३४ जना सक्रिय संक्रमितमध्ये २४५ जनाको आइसीयूमा र ४४ जनाको भेन्टिलेटरमा उपचार भइरहेकाे छ । यसैगरी ८७ हजार ११७ जना संक्रमित होम आइसोलेसनमा छन् भने १८ सय १७ जना मात्र संस्थागत आइसोलेसनमा रहेको मन्त्रालयले जनाएको छ ।

कोरोनाको तेस्रो लहरमा धेरै जना संक्रमणमा परे पनि अस्पताल भर्ना हुने दर भने निकै कम भएको मन्त्रालयका सह प्रवक्ता डा समिर अधिकारी बताउँछन्। उनले यसपटक जटिलता र मृत्युदर कम रहेको जनाए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।