हेल्थ टिभी अनलाइन \काठमाडौं : ललितपुर महानगरपालिकाको कार्यालयमा कार्यरत अधिकांश कर्मचारीमा कोरोना संक्रमण पुष्टि भएपछि केही दिन सेवा प्रभावित हुने भएको छ ।

महानगरले आइतबार एक सूचना जारी गर्दै महानगरको कार्यालयमा कार्यरत कर्मचारी धमाधम संक्रमित हुँदै गएकाले सोमबारदेखि शुक्रबारसम्मका लागि अत्यावश्यक सेवा बाहेकका सेवा बन्द गरिएको जनाएको हो ।

महानगरका प्रमुख प्रशासकीय अधिकृत गणेश अर्यालले जारी गरेको सूचनामा कर्मचारीलाई आलोपालो गरेर सेवा दिने स्थिती समेत नरहेकाले सोमबारदेखि शुक्रबारसम्म ५ दिनका लागि अत्यावश्यक बाहेकका सबै सेवा बन्द गर्न परेको जनाइएको छ ।