अध्ययन भन्छ- ‘कोरोनाको तेस्रो लहरमा मृत्यु हुनेहरुमध्ये ६० प्रतिशत खोप नलगाएका’
हेल्थ टिभी अनलाइन \काठमाडौं : कोरोनाको तेस्रो लहरमा मृत्यु हुनेहरुमध्ये ६० प्रतिशतभन्दा बढी कोरोना विरुद्धको खोप नलिएका वा एक डोज मात्र खोप लिएका भएको अध्ययनले जनाएको छ । भारतको मैक्स हेल्थकेयरले गरेको एक अध्ययन अनुसार कोरोनाको तेस्रो लहरमा संक्रमणमा परेर मृत्यु हुनेहरुमा ६० प्रतिशतभन्दा बढी कोरोना विरुद्धको खोप नलिएका व्यक्ति भएको र तीमध्ये कतिपय एक डोज मात्र लिएको पाइएको हो । यसैगरी मृत्यु हुनेमा अधिकांश ७० वर्षभन्दा माथि उमेर समूहका भएको पाइएको अध्ययनले देखाएको छ ।
यसैगरी अध्ययनले मृत्यु भएकाहरु धेरै जना पहिलेदेखि नै मुटु, मधुमेह, मिर्गौलासम्बन्धी दीर्घ रोग भएको पनि जनाएको छ । उता कोरोनाको तेस्रो लहरमा अक्सिजन सपोर्ट चाहिने संक्रमित जम्मा २३ दशमलब ४ प्रतिशत मात्र रहेको पनि अध्ययनले देखाएको छ । जबकी कोरोनाको पहिलो लहरमा ६३ प्रतिशतलाई अक्सिजन सपोर्ट चाहिएको थियो भने दोस्रो लहरमा अझ बढी ७४ प्रतिशतलाई अक्सिजन सपोर्ट चाहिएको थियो ।
अध्ययनले कोरोना विरुद्धको पूर्ण खोप लगाएकाहरुमा संक्रमण देखिए पनि उनीहरुमा जटिलता नभएको उल्लेख गरिएको छ ।
आजतकबाट :
स्वास्थ्य मन्त्री उपेन्द्र यादवद्धारा कान्ति बाल अस्पतालको आकस्मिक अनुगमन
नेपालले बालबालिकामा हुने क्यान्सरका ३५ प्रकारका औषधी निःशुल्क प्राप्त गर्ने
पूर्व स्वास्थ्य सचिव डा प्रवीण मिश्रको निधन
एक वर्षमा ३३ लाख बिरामीको आँखा उपचार, ८ लाख विदेशीले लिए सेवा
मधुमेह रोग र दाँतको समस्या