२ माघ २०७८ , आइतवार

आजदेखि अग्रपंत्तिमा खटिनेलाई काेराेनाकाे बुस्टर डोज दिइँदै

हेल्थ टिभी अनलाइन\ काठमाडौं : सरकारले आजदेखि अग्रपंत्तिमा खटिएका व्यक्तिलाई कोरोना विरुद्धको बुस्टर डोज खोप दिन सुरु गरेको छ । स्वास्थ्य तथा जनसंख्या मन्त्रालयले आजदेखि कोरोना रोकथाम, नियन्त्रण तथा उपचारमा खटिएका व्यक्तिहरुलाई बुुस्टर डोज दिन लागेको हो ।

सरकारले कोरोना भाइरस विरुद्धको पूर्ण खोप लगाएको ६ महिना पूरा भएका व्यक्तिलाई बुस्टर डोज दिने निर्णय गरेको हो। यसैगरी माघ १४ गतेदेखि ६० वर्षभन्दा माथिका जेष्ठ नागरिकलाई बुस्टर डोज दिन लागिएको छ ।

अग्रपंत्तिमा पर्नेहरुमा स्वास्थ्यकर्मी, महिला स्वास्थ्य स्वयंसेविका, एम्बुलेन्स चालक, सरसफाइकर्मी, शववाहन चालक तथा सञ्चारकर्मी रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।