नेपालमा फेरि बढ्यो संक्रमण दर
हेल्थ टिभी अनलाइन \काठमाडौं : नेपालमा कोरोना संक्रमितको संख्या बढेसँगै संक्रमण दर पनि बढेको छ ।
केही समय अघिसम्म ह्वात्तै घटेको संक्रमण दर अहिले बढेर २७ दशमलब १ प्रतिशतमा पुगेको छ । स्वास्थ्य तथा जनसंख्या मन्त्रालयकी प्रवक्ता डा संगीता मिश्राले केही दिन यता संक्रमण दर बढ्दै गएको र आज संक्रमण दर २७ दशमलब १ प्रतिशत पुगेको बताइन्। यो पछिल्लो एक सातामा देखिएको सबैभन्दा बढी संक्रमण दर हो । उनले सर्वसाधारणले जनस्वास्थ्यका मापदण्ड पालना नगरिदिंदा संक्रमण फेरि एकपटक बढ्न पुगेको जनाइन्।
आज मात्रै १३ हजार ३६ जनाको परीक्षण गर्दा ३ हजार ७५ जनामा कोरोना पोजेटिभ रिपोर्ट आएको छ ।
नेपालमा जनस्वास्थ्यका मापदण्ड नअपनाउँदा र सभा सम्मेलन, भिडभाड गर्दा कोरोना संक्रमण दर उकालो लागिरहेको छ । उता काठमाडौं उपत्यकामा आज एकैदिन १५ सय बढीमा कोरोना संक्रमण पुष्टि भएको छ ।
विज्ञहरुले कोरोनाको तेस्रो लहरको संकेत गर्दै सतर्कता अपनाउन आग्रह गरेका छन्।
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ