२६ पुस २०७८ , सोमवार

माघ १५ गतेसम्म देशभरका विद्यालय बन्द गर्ने शिक्षा मन्त्रालयको निर्णय

हेल्थ टिभी अनलाइन \काठमाडौं :सरकारले आगामी माघ १५ गतेसम्म विद्यालय बन्द गर्ने निर्णय गरेको छ । शिक्षा विज्ञान तथा प्रविधि मन्त्रालयमा सोमबार भएको छलफलमा कोभिड- १९ संकट व्यवस्थापन समन्वय केन्द्र सीसीएमसी ले गरेको निर्णय अनुसार माघ १५ सम्म बिदा दिने निर्णय भएको हो ।

सीसीएमसीको आइतबार बसेको बैठकले कोरोना जोखिम बढेको भन्दै १५ दिन देशभरका विद्यालयमा बिदा दिन सिफारिस गरेको थियो।

मन्त्रालयले आज सचिवस्तरको बैठक गरेर सीसीएमसीको सिफारिसलाई कार्यान्वयनमा लैजाने निर्णय गरेको हो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।