हेल्थ टिभी अनलाइन \काठमाडौं : आज एकैदिन देशभर ९६८ जना नयाँ कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार गत २४ घण्टामा १४ हजार ९७१ जनाको नमुना परीक्षण गरिएकोमा ९६८ जनामा कोरोना पुष्टि भएको हो । यो संख्या केही महिना यताकै उच्च हो ।

भारतमा कोरोना संक्रमण बढ्न थालेपछि नेपालमा पनि बढ्न सक्ने भन्दै सरकारले परीक्षण दर र निगरानी पनि बढाइरहेको छ । उता आज मात्रै २४ जनामा ओमिक्रोन भेरियन्ट संक्रमण पुष्टि भएको छ । आज कोरोनाबाट हुने मृत्यु शुन्य रहे पनि संक्रमितको संख्या भने उच्च रहेको पाइएको छ । केही दिन यता देशभर कोरोना संक्रमण उकालो लाग्दै गएको देखिन्छ ।

गत २४ घण्टामा २ लाख ६३ हजार ३७१ जनाले कोरोना विरुद्धको खोप लगाएको मन्त्रालयले जनाएको छ ।

अहिले देशभर ५ हजार ७४१ जना सक्रिय संक्रमित रहेका छन्। उता यहीवीच २६२ जना संक्रमित संक्रमणमुक्त भएका छन्।