२० पुस २०७८ , मङ्लबार

कोरोना संक्रमण बढेपछि दिल्लीमा ‘विकेन्ड कर्फ्यू’ को तयारी

हेल्थ टिभी अनलाइन : भारतको दिल्लीमा कोरोना संक्रमण बढेपछि विकेन्ड कर्फ्यूको तयारी गरिएको छ । गत २४ घण्टामा ४ हजारभन्दा बढी नयाँ संक्रमित थपिएको त्यहाँको स्वास्थ्य मन्त्रालयले जनाएको छ । दैनिक रुपमा नयाँ संक्रमितको संख्या बढ्न थालेपछि दिल्ली सरकारले यो सातादेखि शुक्रबार राती १० बजेदेखि सोमबार बिहान ५ बजेसम्मका लागि विकेन्ड कर्फ्यू लगाउने तयारी गरेको हो ।

छुट्टीको समयमा यताउता निस्कने सक्ने भन्दै यो समयमा घरमै बस्न आग्रह गर्दैै सरकारले यस्तो आदेश दिन लागेको त्यहाँका संचारमाध्यमहरुले जनाएका छन्। दिल्लीमा यसअघि लगाइएको नाइट कर्फ्यू पनि जारी रहने जनाइएको छ ।

उता सरकारी कर्मचारीलाई वर्क फ्रम होमको तयारी पनि भइरहेको जनाइएको छ ।