हेल्थ टिभी अनलाइन \काठमाडौं : पछिल्लो २४ घण्टामा देशभर २४१ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार गत २४ घण्टामा ८ हजार ८९७ जनाको नमुना परीक्षण गरिएकोमा २४१ जनामा कोरोना पुष्टि भएको हो ।

उता गत २४ घण्टामा २२८ जना संक्रमित निको भएर संक्रमणमुक्त भएका छन्। मन्त्रालयका अनुसार पछिल्लो २४ घण्टामा कोरोनाबाट शुन्य मृत्यु रहेको छ । बुधबारसम्म देशभर ११ हजार ५९० जनाको कोरोना संक्रमणबाट मृत्यु भएको छ ।

अहिले देशभर ४ हजार ८७१ जना मात्र सक्रिय कोरोना संक्रमित रहेका छन्।