१४ पुस २०७८ , बुधबार

थप २२० जनामा कोरोना संक्रमण, २ जनाको मृत्यु

हेल्थ टिभी अनलाइन \काठमाडौं : देशभर गत २४ घण्टामा थप २२० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा ७ हजार ६०८ जनाको नमुना परीक्षण गरिएकोमा २२० जनामा कोरोना पुष्टि भएको हो । यसैगरी आज २ जना संक्रमितको मृत्यु भएको छ । योसँगै देशभर कोरोना संक्रमण भएर ज्यान गुमाउनेको संख्या ११ हजार ५९० पुगेको छ । उता यहीवीच गत २४ घण्टामा २५३ जना संक्रमित निको भएका छन्।

मन्त्रालयका अनुसार पछिल्लो २४ घण्टामा देशभर २ लाख २ हजार ६८७ जनाले कोरोना विरुद्धको खोप लगाएका छन्। अहिले देशभर ४ हजार ८६४ जना मात्र सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।