हेल्थ टिभी अनलाइन \काठमाडौं : देशभर गत २४ घण्टामा थप २२० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा ७ हजार ६०८ जनाको नमुना परीक्षण गरिएकोमा २२० जनामा कोरोना पुष्टि भएको हो । यसैगरी आज २ जना संक्रमितको मृत्यु भएको छ । योसँगै देशभर कोरोना संक्रमण भएर ज्यान गुमाउनेको संख्या ११ हजार ५९० पुगेको छ । उता यहीवीच गत २४ घण्टामा २५३ जना संक्रमित निको भएका छन्।

मन्त्रालयका अनुसार पछिल्लो २४ घण्टामा देशभर २ लाख २ हजार ६८७ जनाले कोरोना विरुद्धको खोप लगाएका छन्। अहिले देशभर ४ हजार ८६४ जना मात्र सक्रिय संक्रमित रहेका छन्।