११ पुस २०७८ , आइतवार

२४ घण्टामा ९ हजार ६७७ नमुना परीक्षण, २१९ जनामा कोरोना पुष्टि

हेल्थ टिभी अनलाइन \काठमाडौं : पछिल्लो २४ घण्टामा देशभर थप २१९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा देशभर ९ हजार ६७७ जनाको नमुना परीक्षण गरिएकोमा २१९ जनामा कोरोना पुष्टि भएको हो । यसैगरी २४ घण्टामा २ जना कोरोना संक्रमितको मृत्यु भएको छ ।

योसँगै देशभर कोरोना संक्रमण भएर ज्यान गुमाउनेको संख्या ११ हजार ५८५ पुगेको छ । यहीवीच २८३ संक्रमित संक्रमणमुक्त भएको मन्त्रालयले जनाएको छ ।

मन्त्रालयका अनुसार गत २४ घण्टामा देशभर ७६ हजार ३३० जनाले कोरोना विरुद्धको खोप लगाएका छन्। हाल देशभर ४ हजार ९०६ जना मात्र सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।