९ पुस २०७८ , शुक्रबार

आज थप ६ लाख ६४ हजार डोज फाइजर खोप नेपाल आइपुग्यो

हेल्थ टिभी अनलाइन \काठमाडौं : नेपालमा आज थप ६ लाख ६४ हजार ५६० डोज कोरोना विरुद्धको फाइजर खोप आइपुगेको छ । कोभ्याक्स सुविधा अन्तर्गतको उक्त खोप आज बिहान मात्र नेपाल आइपुगेको हो।

फाइजर खोप सरकारले यही पुस १३ गतेदेखि विद्यालय जाने उमेर समूहका १२ देखि १७ वर्ष सम्मका बालबालिकालाई दिने भन्दै यसअघि नै सूचना जारी गरिसकेको छ । ८ जिल्लामा यही १३ गतेबाट यो अभियान सुरु हुनेछ । भने बाँकी जिल्लामा पनि छिटै अभियान सुरु गरिने जनाइएको छ ।

यसअघि नै सरकारले दीर्घ रोगी बालबालिकालाई फाइजरको खोप दिइसकेको छ । अब भने १२ देखि १७ वर्षका सबै बालबालिकालाई फाइजर र मोडर्ना गरी खोप लगाइने स्वास्थ्य मन्त्रालयले जनाएको छ । मोडर्ना खोप अभियान अहिले ५७ जिल्लामा जारी छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।