२ पुस २०७८ , शुक्रबार

डेन्टल हाइजिनिष्टको सेवा पाँचौ तहबाट हुने व्यवस्था गर्न स्वास्थ्य मन्त्रालयको पत्र

हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले स्वास्थ्य सेवा अन्तर्गतकाे डेन्ट्रिष्टी समूहको डेन्टल हाइजिनिष्ट पदमा पाँचौ तहबाट सुरु हुने व्यवस्था गर्न परिपत्र गरेको छ। मन्त्रालयले संघीय मामिला तथा सामान्य प्रशासन मन्त्रालयमा पत्र पठाउँदै नेपली सेना, नेपाल प्रहरी र सम्पूर्ण पालिकाहरुमा सोही अनुसार गर्न परिपत्र गरिदिन समेत आग्रह गरेको छ।

केही संस्थाले डेन्टल हाइजिनिष्ट पदको विज्ञापन गर्दा चौथो तह उल्लेख गरी विज्ञापन गरेको विषयलाई लिएर उक्त विज्ञापनका विषयमा डेन्टल साइन्स हाइजिनिष्ट एसोसिएसन अफ नेपालले विरोध गर्दै आएको थियो। एसोसिएसनले स्वास्थ्य मन्त्रालयलाई पाँचौ तहबाट हुने व्यवस्था गर्न अनुरोध गरेपछि मन्त्रालयले शैक्षिक योग्यताका आधारमा पाँचौ तहबाट गर्न परिपत्र गरेको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।