१ पुस २०७८ , बिहिबार

जर्मन सरकारद्धारा नेपाललाई ४१ लाख ४२ हजार डाेज खोप सहयोग

हेल्थ टिभी अनलाइन \काठमाडौं : जर्मन सरकारद्धारा नेपाललाई ४१ लाख ४२ हजार डोज कोरोना विरुद्धको खोप सहयोग गरेको छ । नेपालका लागि जर्मनीका राजदूत डा स्टेफन रुसेकले आज स्वास्थ्य तथा जनसंख्या मन्त्री विरोध खतिवडालाई मोडर्ना र जोन्सन एण्ड जोन्सनको ४१ लाख ४२ हजार २५० डोज खोप हस्तान्तरण गरेका हुन्। यो खोप कोभ्यास सुविधा मार्फत जर्मन सरकारले नेपाललाई उपलब्ध गराएको हो।

मोडर्ना खोप पुस ४ देखि देशभरका १२ देखि १८ वर्ष सम्मका करिब १८ लाख बालबालिकालाई लगाइँदैछ ।

नेपालको कुल जनसंख्याको ३८ दशमलब २ प्रतिशतलाई कम्तीमा एक मात्रा खोप र ३१ प्रतिशतलाई पूर्ण खोप लगाइएको स्वास्थ्य मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।