२९ मंसिर २०७८ , बुधबार

स्वास्थ्य मन्त्रालयको प्रवक्तामा डा संगिता मिश्रा

हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयको प्रवक्ताको जिम्मेवारी डा संगिता मिश्राले पाएकी छिन्। स्वास्थ्य तथा जनसंख्यामन्त्री विरोध खतिवडाले डा मिश्रालाई प्रवक्ताको जिम्मेवारी दिएका हुन्।

केही समयअघि मात्र प्रसुती परोपकार तथा स्त्री अस्पतालबाट सरुवा भएर मन्त्रालयको स्वास्थ्य समन्वय महाशाखामा आएकी उनलाई मन्त्री खतिवडाले प्रवक्ताको समेत जिम्मेवारी दिएका हुन्।

स्वास्थ्य मन्त्रालयमा समन्वय महाशाखाकै प्रमुख प्रवक्ता रहने व्यवस्था भए पनि केही समय भने इपिडिमियोलोजी तथा रोग नियन्त्रण महाशाखाका निर्देशक डा कृष्ण पौडेललाई प्रवक्ताको समेत जिम्मेवारी दिइएको थियो । डा पौडेलले आजदेखि प्रवक्ताको जिम्मेवारीमा आफू नरहेको जनाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।