२८ मंसिर २०७८ , मङ्लबार

पाकिस्तानमा पनि देखियो ओमिक्रोन भेरियन्ट

हेल्थ टिभी अनलाइन : असाध्यै संक्रामक मानिएको कोरोनाको नयाँ भेरियन्ट ओमिक्रोन पाकिस्तानमा पनि देखिएको छ । पहिलो पटक दक्षिण अफ्रिकामा भेटिएको भनिएको यस भाइरसका संक्रमित पाकिस्तानमा पनि देखिएको बताइएको हो।

पाकिस्तानको स्वास्थ्य मन्त्रालयले सो कुराको जानकारी दिएको हो। सो मन्त्रालयका अनुसार अफ्रिकाबाट केही दिनअघि आएकी ५७ वर्षीया एक महिलामा ओमिक्रोन भाइरस देखिएको हो । उनको स्वास्थ्य अवस्था सामान्य रहेको र उनलाई आइसोलेसनमा राखेर अन्य व्यक्तिहरुको पनि नमुना संकलन गर्ने कार्य जारी राखिएको जनाइएको छ ।

पाकिस्तानले अहिले दक्षिण अफ्रिकाबाट आउने यात्रुलाई प्रतिबन्ध लगाएको छ । यो भाइरस केही सातामा नै ६० भन्दा बढी देशमा देखिसकेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।