२६ मंसिर २०७८ , आइतवार

बालबालिकाका लागि १९ लाख ६६ हजार डोज मोडर्ना खोप नेपाल आइपुग्यो

हेल्थ टिभी अनलाइन \काठमाडौं : बालबालिकाका लागि भनिएको कोरोना विरुद्धको मोडर्ना खोप १९ लाख ६५ हजारभन्दा बढी डोज आज नेपाल आइपुगेको छ ।

यो खोप कोभ्याक्स सुविधा अन्तर्गत नेपाल आइपुगेको हो । आज १९ लाख ६५ हजार भन्दा बढी डोज नेपाल आइपुगेको र सो खोप यही पुस ४ गतेदेखि १२ देखि १७ वर्षका किशोरकिशोरीलाई लगाइने स्वास्थ्य तथा जनसंख्या मन्त्रालयले जनाएको छ ।

यसअघि अघिल्लो साता १ लाख ८८ हजार डोज र गत शुक्रबार १४ लाख ९८ हजार ६०० डोज मोडर्ना खोप नेपाल आइसकेको छ ।

यो खोप लगाउनका लागि विद्यालयहरुमा खोप केन्द्र तोकिनेछ र विद्यालयबाट नै खोप लगाइने भएको छ । यसअघि फाइजर खोप सञ्चालन भएका जिल्लामा भने मोडर्ना खोप दिइने छैन्। अहिले ५७ जिल्लामा खोप अभियान सुरु गरिने मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।