२० मंसिर २०७८ , सोमवार

नेपालमा पनि देखियो कोरोनाको नयाँ भेरियन्ट ‘ओमिक्रोन’

हेल्थ टिभी अनलाइन \काठमाडौं : दक्षिण अफ्रिकामा पहिलोपटक देखिएको कोरोना भाइरसको नयाँ भेरियन्ट ओमिक्रोन नेपालमा पनि पुष्टि भएको छ।

स्वास्थ्य तथा जनसंख्या मन्त्रालयले आज पत्रकार सम्मेलन गर्दै नेपालमा दुई जनामा कोरोनाको नयाँ भेरियन्ट ‘ओमिक्रोन’ पुष्टि भएको जानकारी दिएको हो।

मन्त्रालयले ओमिक्रोन पुष्टि भएका संक्रमितको स्वास्थ्य अवस्था अहिले सामान्य रहेको पनि जानकारी दिएको छ ।

दक्षिण अफ्रिकामा पहिलोपटक देखिएको ओमिक्रोन भेरियन्ट अहिलेसम्म भारत सहित ४० भन्दा बढी देशहरुमा फैलिइसकेको छ। बढी संक्रामक मानिएको यस भेरियन्टलाई अहिले लगाइरहेको कोरोना विरुद्धको खोपले काम गर्ने की नगर्ने भन्ने विषयमा भने अध्ययन भइरहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।