हेल्थ टिभी अनलाइन : भारतको राजधानी नयाँ दिल्लीका सबै विद्यालय अनिश्चितकालका लागि बन्द गरिएको छ ।

दिल्लीमा केही दिनदेखि वायु प्रदूषण बढ्दै गएपछि शुक्रबारदेखि सबै विद्यालय बन्द गरिने भएको हो । शहरको वायु प्रदूषणको अवस्थामा सुधार नआएका कारण कारण दिल्लीका सबै विद्यालय भोलिदेखि अर्को सूचना जारी नहुन्जेलसम्मका लागि बन्द गरिने निर्णय सरकारले गरेको आजतकले जनाएको छ ।

भारतको सर्वोच्च अदालतले बिग्रँदो वायु प्रदूषणबीच बालबालिकाका लागि भौतिक कक्षा सञ्चालन गर्ने केजरीवाल नेतृत्व सरकारको आलोचना गरेपछि शुक्रबारदेखि सबै विद्यायल बन्द गरिन लागिएको हो ।

अदालतले वयस्कहरूले घरमै बसेर काम गरिरहेका बेला बालबालिलकालाई भने विद्यालय जान बाध्य पारिएको भन्दै दिल्ली सरकारमाथि सवाल उठाएको थियो । पछिल्ला केही सातायता दिल्लीको वायु प्रदूषणमा कुनै सुधार नआएको पनि अदालतको भनाइ थियो ।