१४ मंसिर २०७८ , मङ्लबार

मेडिकल काउन्सिलको उपाध्यक्षमा डा शिवजी पौडेल विजयी

हेल्थ टिभी अनलाइन\ काठमाडौं : नेपाल मेडिकल काउन्सिललको उपाध्यक्षमा डा शिवजी पौडेल विजयी भएका छन्। काउन्सिलको यही मंसिर ३, ४, १० र ११ गते एक उपाध्यक्ष र आठ जना सदस्य चयनका लागि मतगणना भएको थियो।

निर्वाचन समितिका अनुसार उपाध्यक्षका लागि तीन जना प्रतिस्पर्धीमध्ये डा शिवजी पौडेल विजयी भएका हुन्। पौडेल प्रतिस्पर्धीभन्दा दोब्बर मत ल्याएर विजयी भएका हुन्।

यसैगरी सदस्यहरुमा डा तोसिमा कार्की, डा कालुसिंह खत्री, डा गुरुशरण साह, डा कुन्जान शेर्पा, डा रुपक घिमिरे, डा विश्वराज दवाडी र डा रोहित कुमार मिश्र, डा हुलास अग्रवाल विजयी भएका छन्।

काउन्सिलको निर्वाचनमा उपत्यका बाहिर र उपत्यकामा गरी ९ हजार ३१८ मत खसेको थियो। एक उपाध्यक्ष र ८ सदस्यका लागि ३५ जना चुनावी मैदानमा प्रतिष्पर्धामा थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।