१२ मंसिर २०७८ , आइतवार

८ हजार ९१८ नमुना परीक्षण गर्दा १५८ जनामा कोरोना पुष्टि

हेल्थ टिभी अनलाइन \काठमाडौं : देशभर पछिल्लो २४ घण्टामा १५८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा ८ हजार ९१८ नमुना परीक्षण गरेकोमा १५८ जनामा कोरोना पुष्टि भएको हो ।

यसैगरी गत २४ घण्टामा २ जना कोरोना संक्रमितको मृत्यु भएको छ । आज मृत्यु हुनेसहित गरी देशभर कोरोनाबाट ज्यान गुमाउनेको संख्या ११ हजार ५२३ पुगेको छ ।

उता यहीवीच ३४२ जना संक्रमित निको भएका छन्। अहिले देशभर सक्रिय संक्रमितको संख्या ६ हजार ९६६ रहेको छ । उनीहरुमध्ये ६ हजार ५८९ जना होम आइसोलेसनमा रहेका छन् भने ३७७ जना मात्र संस्थागत आइसोलेसनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।