हेल्थ टिभी अनलाइन \काठमाडौं : यतिबेला दक्षिण अफ्रिकामा देखिएको कोरोनाको नयाँ भेरियन्ट ओमिक्रोन सबैको टाउको दुखाई बनेको छ । दक्षिण अफ्रिकापछि युरोपका केही देशमा समेत यसको प्रकार भेटिएपछि धेरै देशले अफ्रिकाबाट आउनेलाई प्रतिबन्ध लगाउन सुरु गरेका छन्।

नेपालमा पनि नयाँ भेरियन्टको जोखिम रहेकाले यसवारे छलफल गर्न आज (सीसीएमसी) कोभिड -१९ संकट व्यवस्थापन समन्वय समितिको बैठक बस्दैछ । उक्त बैठकले नेपालमा नयाँ भाइरस भित्रिन नदिनका लागि कस्तो खालको सतर्कता अपनाउने भन्नेवारेमा छलफल हुने स्वास्थ्य मन्त्रालयका सह प्रवक्ता डा समीर अधिकारीले जनाए ।

भारतमा समेत सो भाइरस देखिएको बताइएको छ । भारतमा नयाँ भाइरस देखिनु भनेको खुला बोर्डरका कारण पनि नेपाल उच्च जोखिममा रहेकाले नाकाहरुमा कडाई गर्नुका साथै अनिवार्य क्वारेन्टाइन राख्ने व्यवस्था गर्न जरुरी हुने विज्ञहरुले जनाएका छन्।