७ मंसिर २०७८ , मङ्लबार

पछिल्लो २४ घण्टामा ९ जना कोरोना संक्रमितको मृत्यु

हेल्थ टिभी अनलाइन \काठमाडौं : पछिल्लो २४ घण्टामा देशभर ९ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा ९ जना कोरोना संक्रमितको मृत्यु भएको छ भने ३५१ जना नयाँ संक्रमित थपिएका छन्।

नेपालमा कोरोना संक्रमणदर कम हुँदै गएको भए पनि मृत्यु दर भने खासै घट्न सकेको छैन्। आज मृत्यु भएका संक्रमितसहित देशभर कोरोना संक्रमण भएर ज्यान गुमाउनेको संख्या ११ हजार ५०९ पुगेको छ ।

उता २७३ जना संक्रमित निको भएर डिस्चार्ज भएको मन्त्रालयले जनाएको छ । गत २४ घण्टामा ९८ हजार ५११ जनाले कोरोना विरुद्धको खोप लगाएका छन्। अहिले देशभर ७ हजार ३ सय जना सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।