६ मंसिर २०७८ , सोमवार

देशभर कोरोना संक्रमणबाट मृत्यु हुनेको संख्या ११ हजार ५ सय पुग्यो

२४ घण्टामा ३८५ नयाँ संक्रमित थपिए

हेल्थ टिभी अनलाइन \काठमाडौं : देशभर कोरोना संक्रमण भएर मृत्यु हुनेको संख्या ११ हजार ५ सय पुगेको छ । आज थप ४ जना कोरोना संक्रमितको मृत्यु भएसँगै कोरोनाबाट मृत्यु हुनेको संख्या ११ हजार ५ सय पुगेको हो ।

स्वास्थ्य तथा जनसंख्या मन्त्रालयका अनुसार नेपालमा कोरोना संक्रमण भएर निको हुने दर भने ९७ दशमलब ७ प्रतिशत रहेको छ जबकी मृत्युदर १ दशमलब ४ प्रतिशत रहेको छ । नेपालमा कोरोना संक्रमणबाट मृत्यु हुनेहरुमध्ये सबैभन्दा धेरै ६० देखि ८० वर्ष उमेर समूहका रहेका छन्।

आज देशभर ३८५ जनामा कोरोना संक्रमण पुष्टि भएको छ । मन्त्रालयका अनुसार गत २४ घण्टामा १२ हजार ६९७ जनाको नमुना परीक्षण गरेकोमा ३८५ जनामा कोरोना देखिएको हो । अहिले देशभर ७ हजार २६९ जना मात्र सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।