३ मंसिर २०७८ , शुक्रबार

आइतबारदेखि कपिलवस्तुमा हैजा विरुद्धको खोप दिन सुरु गरिने

हेल्थ टिभी अनलाइन \काठमाडौं : आइतबारदेखि कपिलवस्तुका हैजा प्रभावित क्षेत्रमा हैजा विरुद्धको खोप दिइने भएको छ । इपिडिमियोलोजी तथा रोग नियन्त्रण महाशाखाका निर्देशक डा कृष्ण पौडेलले यही मंसीर ५ अर्थात आइतबारदेखि कपिलवस्तुका ५ वटा पालिकाका बासिन्दालाई हैजा विरुद्धको मुखबाट दिइने ओरल कलेरा खोप दिन लागिएको जनाए । हैजाविरुद्धको साढे दुई लाख डोज खोप नेपाल आइसकेको छ ।

गत असोज १८ गतेदेखि कपिलवस्तु जिल्लाका विभिन्न स्थानमा झाडापखाला तथा हैजाका बिरामी फेला परेका थिए । हालसम्म झाडापखालाका कारण ८ जनाको मृत्यु भइसकेको छ । कपिलवस्तुमा फैलिएको हैजा नियन्त्रणमा नआएपछि सरकारले अन्तराट्रिय स्तरमा खोपको लागि सहयोग मागेको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।