१ मंसिर २०७८ , बुधबार

२४ घण्टामा झण्डै १२ हजार नमुना परीक्षण गर्दा ४१२ जनामा संक्रमण पुष्टि

हेल्थ टिभी अनलाइन \काठमाडौं : पछिल्लो २४ घण्टामा झण्डै १२ हजार नमुना परीक्षण गर्दा ४१२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा ४१२ जना नयाँ संक्रमित थपिएका छन् भने २०२ जना संक्रमणमुक्त भएका छन्। यसैगरी आज एक जना संक्रमितको मृत्यु भएको मन्त्रालयले जनाएको छ । हालसम्म नेपालमा कोरोना संक्रमण भएर ज्यान गुमाउनेको संख्या ११ हजार ४८३ पुगेको छ । अहिले देशभर ७ हजार ६३६ जना सक्रिय संक्रमित होम तथा संस्थागत आइसोलेसनमा रहेका छन्।

उता गत २४ घण्टामा १ लाख १ हजार ७६१ जनाले कोरोना विरुद्धको खोप लगाएको मन्त्रालयले जनाएको छ ।

काठमाडौं र ललितपुरमा अझै पनि ५ सय बढी सक्रिय संक्रमित रहेका छन्। अन्य जिल्लामा भने संक्रमण कम हुँदै गएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।