२९ कार्तिक २०७८ , सोमवार

मधुमेह दिवसमा मेट्रो काठमाडौं अस्पतालको प्रभातफेरी तथा रक्तदान कार्यक्रम

हेल्थ टिभी अनलाइन \काठमाडौं : विश्व मधुमेह दिवसको अवसरमा मेट्रो काठमाडौं अस्पतालले प्रभातफेरी कार्यक्रम गरेको छ ।

अस्पतालबाट बिहान शुरु भएको प्रभातफेरी त्रिवि शिक्षण अस्पताल हुँदै बाँसबारीसम्म पुगेर पुन: अस्पतालमै आएर टुंगिएको थियो । मधुमेहमा सबैको पहुँच हुनुपर्छ, मधुमेहलाई नियन्त्रणमा राखौं जस्ता प्ले कार्ड बोकेर अस्पतालका चिकित्सक, स्वास्थ्यकर्मी तथा कर्मचारी र्यालीमा सहभागी भएका थिए ।

यसैगरी अस्पतालले दिवसको अवसर पारेर रक्तदान तथा नि: शुल्क सुगर जाँच समेत गरेको अस्पतालका सिइओ टोपेन्द्र प्रकाश वलीले जानकारी दिए । अस्पतालमा दिवसको अवसर पारेर मधुमेह लगायतका अन्य जाँचमा एक महिनासम्म छुट समेत राखेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।