२९ कार्तिक २०७८ , सोमवार

कर्णाली स्वास्थ्य विज्ञान प्रतिष्ठानका उपकुलपति डा रावललाई कामकाजमा रोक नलगाउन अन्तरिम आदेश

हेल्थ टिभी अनलाइन \काठमाडौं : कर्णाली स्वास्थ्य विज्ञान प्रतिष्ठानका उपकुलपति डा मंगल रावललाई पाटन उच्च अदालतले कामकाजमा रोक नलगाउन स्वास्थ्य तथा जनसंख्या मन्त्रालयका नाममा अन्तरिम आदेश जारी गरेको छ ।

स्वास्थ्य मन्त्री विरोध खतिवडा आफू मन्त्री भएर आएको केही दिनमै मन्त्री स्तरीय निर्णय गर्दै कर्णाली स्वास्थ्य विज्ञान प्रतिष्ठानका उपकुलपति डा रावललाई कामकाज गर्न रोक लगाएका थिए । रावललाई कामकाजमा रोक लगाउनकासाथै प्रतिष्ठानका शिक्षाध्यक्ष डा निमेश थापालाई निमित्त उपकुलपति बनाई कामको जिम्मेवारी दिएका थिए ।

मन्त्री खतिवडाको निर्णयविरुद्ध उपकुलपति डा रावलले दिएको रिटमा सुनुवाइ गर्दै पाटन उच्च अदालतका न्यायाधीश भोजराज अधिकारीको एकल इजलासले मन्त्रीको निर्णय कार्यान्वयन नगर्न अन्तरिम आदेश दिएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।