हेल्थ टिभी अनलाइन \काठमाडौं : अब काठमाडौं र ललितपुर गरी दुई  जिल्लामा मात्रै ५ सय बढी सक्रिय कोरोना संक्रमित रहेका छन्।

मंगलबार स्वास्थ्य तथा जनसंख्या मन्त्रालयले जारी गरेको तथ्यांक अनुसार अब कोरोना संक्रमितको संख्या घटेर काठमाडौं र ललितपुर दुई जिल्लामा मात्रै ५ सय बढी सक्रिय कोरोना संक्रमित रहेका छन्। काठमाडौंमा हाल ५०८ जना सक्रिय संक्रमित आइसोलेसनमा छन् भने ललितपुरमा ५१० जना आइसोलेसनमा रहेका छन्।

उता भक्तपुर, मोरङ, सुनसरी, झापा, कास्की, नवलपरासी पूर्व, रुपन्देही, कैलाली, बाँके गरी ९ जिल्लामा २ सय बढी सक्रिय संक्रमित रहेका छन्।  मुगु र हुम्लामा भने सक्रिय कोरोना संक्रमितको संख्या शुन्य रहेको मन्त्रालयले जनाएको छ ।

नेपालमा हालसम्म ११ हजार ४५४ जनाले कोरोना संक्रमणबाट ज्यान गुमाएका छन्। अहिले देशभर सक्रिय संक्रमित ७ हजार ६१२ जना रहेका छन्।