२२ कार्तिक २०७८ , सोमवार

२४ घण्टामा ३९० संक्रमित थपिए, ५ जनाको मृत्यु

हेल्थ टिभी अनलाइन \काठमाडौं : देशभर पछिल्लो २४ घण्टामा ३९० जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा ५ हजार २६ जनाको नमुना परीक्षण गरिएकोमा ३९० जनामा कोरोना पोजेटिभ देखिएको हो । यसैगरी आज ५ जना कोरोना संक्रमितको मृत्यु भएको छ । आज मृत्यु भएकासहित देशभर कोरोना संक्रमण भएर ज्यान गुमाउनेको संख्या ११ हजार ४५३ पुगेको छ ।

मन्त्रालयका अनुसार गत २४ घण्टामा ४२५ जना कोरोना संक्रमित निको भएर डिस्चार्ज भएका छन् १९ सय १७ जनाले कोरोना विरुद्धको खोप लगाएका छन्। अहिले देशभर ७ हजार ६५४ जना मात्र सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।