१७ कार्तिक २०७८ , बुधबार

स्वास्थ्यका मापदण्ड पालना गरेर मात्र चाडबाड मनाउन काठमाडौं प्रशासनको आग्रह

हेल्थ टिभी अनलाइन \काठमाडौं : देशभर कोरोना संक्रमण कम भए पनि यसको जोखिम भने कायम नै रहेको भन्दै काठमाडौं जिल्ला प्रशासनले सबैलाई स्वास्थ्यका मापदण्ड पालना गरेर मात्र चाडबाड मनाउन आग्रह गरेको छ ।

मंगलबार जिल्ला प्रशासन कार्यालयका सहायक प्रमुख जिल्ला अधिकारी उमाकान्त अधिकारीले एक विज्ञप्ति जारी गर्दै कोरोना संक्रमणको जोखिम कायम रहेको बताउँदै भिडभाड नगरी तिहार छठ लगायतका पर्व मनाउन आग्रह गरेका हुन्।

विज्ञप्तिमा स्वास्थ्य मापदण्डको पूर्ण पालना गरी पूजापाठ लगायतका क्रियाकलाप गर्न तथा मठमन्दिर गुम्बा लगायतका स्थानमा भिड नगर्न सबैलाई आग्रह गरिएको छ । यसैगरी काठमाडौंमा देंउसी, भैलो नाचगान कार्यक्रम राती ९ बजेसम्म मात्र गर्न गराउन आग्रह गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।