हेल्थ टिभी अनलाइन \काठमाडौं : नेपाल मेडिकल काउन्सिलले आगामी निर्वाचनका लागि २१ मतदान केन्द्र तोकेको छ । निर्वाचन समितिले आगामी मंसिरमा हुने निर्वाचनका लागि निर्वाचन केन्द्र र निर्वाचन अधिकृत तोकेको हो ।

काउन्सिलले निर्वाचनका बारेमा जानकारी दिन बुधबार गरेको पत्रकार सम्मेलनका क्रममा काठमाडौ उपत्यका बाहिरका १८ वटा जिल्लामा मंसीर ३ र ४ गते निर्वाचन हुने जानकारी दिइएको छ । यसैगरी उपत्यकामा भने मंसीर १० र ११ गते तय गरिएको छ । काउन्सिलको आगामी कार्यकालका लागि उपाध्यक्ष्यसहित ८ जना सदस्यको समितिका लागि निर्वाचन हुन लागेको हो । काउन्सिलका निर्वाचित तथा मनोनित सदस्यको कार्यकाल ४ वर्षको हुनेछ ।

निर्वाचनको प्रयोजनका लागि संयोजकमा डा गणेश राईलाई नियुक्त गरिएको छ । सदस्यहरुमा मधुसुदन पुन र डा मनोज हुमागाइँ निर्वाचन समितिमा रहेका छन्। निर्वाचनका लागि काउन्सिलले निर्वाचन आचारसंहिता २०७८ पनि जारी गरेको छ ।