९ कार्तिक २०७८ , मङ्लबार

आजदेखि काठमाडौंमा एस्ट्राजेनेका खोपको दोस्रो मात्रा लगाइँदै

हेल्थ टिभी अनलाइन\ काठमाडौं : सरकारले काठमाडौंमा आजदेखि कोरोना विरुद्धको ‘एस्ट्राजेनेका’ खोपको दोस्रो मात्रा लगाउन सुरु गरेको छ ।

काठमाडौं महानगरपालिकाले एक सूचना जारी गर्दै एस्ट्राजेनेकाको पहिलो मात्रा खोप लगाएका र ८ साता पूरा भएकालाई आजदेखि दोस्रो मात्रा दिन लागिएको जनाएको हो । काठमाडौंका ३२ वटै वडाका खोप केन्द्र तथा वीर, प्रसूती, निजामती कर्मचारी अस्पताल, विरेन्द्र सैनिक अस्पताल लगायतका अस्पतालमार्फत खोप दिइने जनाइएको हाे ।

खोप लगाउनका लागि पहिलो मात्रा खोप लगाएको खोप कार्ड, तथा विद्युतीय दर्ता सहित परिचय पत्र लिई जानुपर्नेछ । खोप अभियान दुई दिनसम्म चल्नेछ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।