७ कार्तिक २०७८ , आइतवार

स्वास्थ्य सेवा विभागको महानिर्देशकमा पुन: डा दिपेन्द्ररमण सिंह

हेल्थ टिभी अनलाइन \काठमाडौं : सरकारले स्वास्थ्य सेवा विभागको महानिर्देशकमा पुन डा दीपेन्द्ररमण सिंहलाई नियुक्ती गरेको छ ।

शुक्रबार स्वास्थ्य तथा जनसंख्यामन्त्री बिरोध खतिवडाले मन्त्रीस्तरीय निर्णय गर्दै डा सिंहलाई महानिर्देशक पदमा नियुक्त गरेका हुन्।

डा सिंहलाई स्वास्थ्य सेवा विभागको महानिर्देशकमा नियुक्त गरिएको मन्त्रालयका सचिव डा रोशन पोखरेलले बताएका छन्।

यसअघिका विभागका निमित्त महानिर्देशक डा आरपी बिच्छाको उमेर हदका कारण सेवा अवधि सकिएपछि डा सिंहलाई महानिर्देशकको जिम्मेवारी दिइएको हो। उता डा बिच्छाको सेवा अवधि सकिएको भए पनि सरकारले उनको सेवा तीन वर्ष थप गरेको छ।

डा बिच्छा आउनु अघि पनि डा सिंह नै विभागका महानिर्देशक थिए । उनलाई प्रधानमन्त्री शेर बहादुरको सरकार आए लगत्तै त्यहाँबाट मन्त्रालयमा सरुवा गरिएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।