७ कार्तिक २०७८ , आइतवार

आज र भोली देशभरका बालबालिकालाई ‘भिटामिन ए’ खुवाइँदै

हेल्थ टिभी अनलाइन \काठमाडौं : देशभरका बालिबालिकालाई आज र भोली भिटामिन ए र जुकाको औषधि खुवाइँदैछ । सरकारले हरेक वर्ष राष्ट्रिय भिटामिन ए कार्यक्रम अनुसार बालबालिकालाई कार्तिक ३ र ४ गते भिटामिन ए कार्यक्रम सञ्चालन गर्दै आएको भए पनि यसपटक सो दिन दशैंको विदा परेकाले आज र भोलि अर्थात कार्तिक ७ र ८ गते भिटामिन ए कार्यक्रम सञ्चालन गर्ने निर्णय गरेको हो ।

सरकारले ६ महिनादेखि ५ वर्ष सम्मका बालबालिकालाई भिटामिन ए खुवाउँदैछ भने एक देखि ५ वर्ष सम्मका बालबालिकालाई जुकाको औषधि खुवाउने कार्यक्रम राखेको छ ।

स्वास्थ्य तथा जनसंख्या मन्त्रालयले कोरोना संक्रमणको जोखिम कायम नै रहेकाले यसबाट बच्न खोप केन्द्रमा जाँदा अनिवार्य मास्कको प्रयोग गर्ने , सामाजिक दूरी कायम गर्ने तथा सेनिटाइजरको प्रयोग गर्न आग्रह गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।