२ कार्तिक २०७८ , मङ्लबार

पछिल्लो २४ घण्टामा १ हजार ९६ जनामा कोरोना संक्रमण, १२ जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा १ हजार ९६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा ९ हजार ९१६ जनाको नमुना परीक्षण गरिएकोमा १ हजार ९६ जनामा संक्रमण पुष्टि भएको हो । यसैगरी गत २४ घण्टामा १२ जना कोरोना संक्रमितको मृत्यु भएको छ । आज मृत्यु भएकासहित देशभर कोरोना संक्रमण भएर मृत्यु हुनेको संख्या ११ हजार ३०५ पुगेको छ ।

उता पछिल्लो २४ घण्टामा १ हजार ४ जना कोरोना संक्रमित निको भएर डिस्चार्ज भएका छन्।

हाल देशभर ११ हजार ८१५ जना सक्रिय संक्रमित रहेको मन्त्रालयले जनाएको छ । उता आज देशभर १ लाख ६३ हजार २६ जनाले कोरोना विरुद्धको खोप खोप लगाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।