३१ अशोज २०७८ , आइतवार

थप ३९१ जनामा कोरोना संक्रमण, ६ जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा थप ३९१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार ७७ जनाको नमुना परीक्षण गरिएकोमा ३९१ जनामा कोरोना संक्रमण पुष्टि भएको हो ।

यसैगरी ६ जना कोरोना संक्रमितले ज्यान गुमाएका छन्। योसँगै देशभर कोरोना संक्रमण भएर मृत्यु हुनेको संख्या ११ हजार २८४ पुगेको छ । उता गत २४ घण्टामा ६८० जना संक्रमित संक्रमणमुक्त भएका छन्। अहिले देशभर १२ हजार २९७ जना सक्रिय कोरोना संक्रमित रहेको मन्त्रालयले जनाएको छ । उनीहरुमध्ये ११ हजार २७८ जना होम आइसोलेसनमा र १ हजार १९ जना संस्थागत आइसोलेसनमा रहेका छन्।

सक्रिय संक्रमितमध्ये पनि २९९ जना आइसीयूमा र ९८ जना भेन्टिलेटरमा उपचाररत छन्। देशभर अहिले पनि २३१ जना क्वारेन्टाइनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।