३० अशोज २०७८ , शनिबार

शनिबार १ हजार ७७३ नमुना परीक्षण गर्दा १४७ जनामा संक्रमण पुष्टि

हेल्थ टिभी अनलाइन \काठमाडौं : शनिबार देशभर जम्मा १४७ जना नयाँ कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार गत २४ घण्टामा १ हजार ७७३ जनाको नमुना परीक्षण गर्दा १४७ जनामा कोरोना पुष्टि भएको हो ।

दशैंको माहोल भएकाले पनि धेरै जना परीक्षणमा नजाँदा आज निकै थोरै मात्र नमुना परीक्षण भएको मन्त्रालयले जनाएको छ । उता पछिल्लो २४ घण्टामा मृत्यु पनि एक जना संक्रमितको मात्र भएको छ । योसँगै कोरोना संक्रमण भएर ज्यान गुमाउनेको संख्या ११ हजार २७८ पुगेको छ । उता गत २४ घण्टामा देशभर ८४५ जना संक्रमित संक्रमणमुक्त भएर डिस्चार्ज भएका छन्।

अहिले देशभर १२ हजार ५९८ जना मात्र सक्रिय संक्रमित रहेको मन्त्रालयले जनाएको छ । यीमध्ये ३०७ जना आइसीयूमा र ९७ जना भेन्टिलेटरमा उपचाररत रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।