२८ अशोज २०७८ , बिहिबार

पछिल्लो २४ घण्टामा ४५५ जनामा कोरोना संक्रमण, ८०४ जना संक्रमणमुक्त

हेल्थ टिभी अनलाइन \काठमाडौं : देशभर पछिल्लो २४ घण्टामा ४५५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा ६ हजार २१४ जनाको नमुना परीक्षण गरेकोमा ४५५ जनामा कोरोना संक्रमण पुष्टि भएको हो । यसैगरी आज देशभर ८ जना कोरोना संक्रमितको मृत्यु भएको मन्त्रालयले जारी गरेको विज्ञप्तिमा उल्लेख छ । योसँगै देशभर कोरोना भाइरसको संक्रमण भएर मृत्यु हुनेको संख्या ११ हजार २६९ पुगेको छ । यहीवीच पछिल्लो २४ घण्टामा ८ जना कोरोना संक्रमितको मृत्यु भएको छ ।

हाल देशभर १३ हजार ८५३ जना मात्र सक्रिय संक्रमित रहेका छन्। यीमध्ये ३१० जना आइसीयूमा र १०५ जना भेन्टिलेटरमा उपचाररत रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।