५ हजार ५९४ नमुना परीक्षण गर्दा ३६५ जनामा कोरोना संक्रमण पुष्टि
हेल्थ टिभी अनलाइन \काठमाडौं : देशभर पछिल्लो २४ घण्टामा ३६५ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा ५ हजार ५९४ जनाको नमुना परीक्षण गरिएकोमा ३६५ जनामा कोरोना पुष्टि भएको हो । आज पुष्टि भएको संक्रमितको संख्या कोरोनाको दोस्रो लहरपछिको सबैभन्दा कम हो ।
यसैगरी आज ४ जना कोरोना संक्रमितको मृत्यु भएको मन्त्रालयले जनाएको छ । योसँगै कोरोना संक्रमणबाट ज्यान गुमाउनेको संख्या ११ हजार २६१ पुगेको छ ।
मन्त्रालयका अनुसार गत २४ घण्टामा ६०९ जना संक्रमित निको भएर डिस्चार्ज भएका छन्। आज २ हजार २७५ जनाले कोरोना विरुद्धको खोप लिएको मन्त्रालयले जनाएको छ । हाल देशभर सक्रिय कोरोना संक्रमितको संख्या १४ हजार २६७ रहेको छ ।
नेपालमा क्यान्सर सर्भाइभरलाई केन्द्रमा राखेर विशेष कार्यक्रम
नेपाल क्यान्सर सम्मेलन सम्पन्न
औषधिलाई नै नटेर्ने संक्रमण : विश्वसामु बढ्दो एएमआर चुनौती
मेवाका फाइदा
मुटुरोगबाट बच्न के गर्ने ?