२६ अशोज २०७८ , मङ्लबार

थप ७९२ जनामा कोरोना संक्रमण, १४ जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा देशभर ७९२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ९ हजार ६१९ जनाको नमुना परीक्षण गरिएकोमा ७९२ जनामा कोरोना संक्रमण पुष्टि भएको हो । यसैगरी आज १४ जना कोरोना संक्रमितको मृत्यु भएको मन्त्रालयले जनाएको छ । योसँगै देशभर कोरोना संक्रमणबाट ज्यान गुमाउनेको संख्या ११ हजार २५७ पुगेको छ । उता आज ९१० जना संक्रमित निको भएर डिस्चार्ज भएका छन्।

हाल देशभर सक्रिय संक्रमितको संख्या १४ हजार ५५४ रहेको छ । यीमध्ये ३०६ जना आइसीयूमा र १०२ जना भेन्टिलेटरमा उपचाररत रहेको मन्त्रालयले जारी गरको विज्ञप्तिमा उल्लेख छ ।

नेपालमा कोरोना संक्रमणबाट निको हुने दर ९६ दशमलब ८ प्रतिशत रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।