२४ अशोज २०७८ , आइतवार

नेपालमा कोरोना संक्रमणबाट निको हुने दर ९६ दशमलब ७ प्रतिशत

हेल्थ टिभी अनलाइन \काठमाडौं : नेपालमा कोरोना संक्रमणबाट निको हुने दर ९६ दशमलब ७ प्रतिशत रहेको छ ।

स्वास्थ्य तथा जनसंख्या मन्त्रालयको तथ्यांक अनुसार नेपालमा पछिल्लो समय कोरोना संक्रमणबाट निको हुने दर बढ्दै गएको छ । गत २४ घण्टामा मात्र ८९९ जना संक्रमित संक्रमणमुक्त भएका छन्। अहिलेसम्म ७ लाख ७५ हजार ७२ जना संक्रमणमुक्त भइसकेका छन्।

अहिले देशभर १५ हजार ३४० जना सक्रिय संक्रमित रहेका छन्। ११ हजार २२१ जना कोरोना संक्रमितको मृत्यु भएको छ ।

नेपालमा मृत्यु दर जम्मा १ दशमलब ४ प्रतिशत रहेको मन्त्रालयले जनाएको छ । पछिल्लो २४ घण्टामा ९० हजार ९९३ जनाले कोरोना विरुद्धको खोप लगाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।