२१ अशोज २०७८ , बिहिबार

नेपालमा कोरोना संक्रमणबाट मृत्यु हुनेको संख्या ११ हजार २ सय पुग्यो

हेल्थ टिभी अनलाइन \काठमाडौं : नेपालमा कोरोना भाइरस (कोभिड १९) को संक्रमणबाट मृत्यु हुनेको संख्या ११ हजार २ सय पुगेको छ ।

गत २४ घण्टामा ८ जना कोरोना संक्रमितको मृत्यु भएसँगै देशभर कोरोना संक्रमणबाट मृत्यु हुनेको संख्या ११ हजार २ सय पुगेको स्वास्थ्य तथा जनसंख्या मन्त्रालयले जनाएको छ । नेपालमा कोरोना संक्रमणबाट मृत्यु हुने दर १ दशमलब ४ प्रतिशत रहेको छ । उता पछिल्लो २४ घण्टामा देशभर ८०५ जनामा कोरोना संक्रमण पुष्टि भएको छ । मन्त्रालयका अनुसार गत २४ घण्टामा १० हजार ६७२ जनाको नमुना परीक्षण गर्दा ८०५ जनामा कोरोना पुष्टि भएको हो ।

यहीवीच ९११ जना कोरोना जितेर निको भएका छन्। हाल देशभर १५ हजार ९४२ जना सक्रिय संक्रमित रहेका छन्। यीमध्ये ३२९ जना आइसीयूमा र ११२ जना भेन्टिलेटरमा उपचाररत रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।