हेल्थ टिभी अनलाइन \काठमाडौं : देशभर कोरोना विरुद्धको पूर्ण खोप लगाउनेको संख्या ३० प्रतिशतको हाराहारीमा पुगेको छ ।

स्वास्थ्य तथा जनसंख्या मन्त्रालयका अनुसार शनिबारसम्म देशभर २९ दशमलब २ प्रतिशत नागरिकले कोरोना विरुद्धको पूर्ण खोप लगाएका छन्। यसैगरी ३५ दशमलब ४ प्रतिशतले पहिलो मात्रा खोप लगाइसकेका छन्। खोप अभियान अहिले पनि जारी छ । सरकारले असोस मसान्तसम्म एक तिहाई लक्षित जनसंख्यामा कोरोना विरुद्धको खोप दिइने बताउँदै आएको छ । यसैगरी यो वर्षको अन्तसम्मा सबै नागरिकलाई खोप दिन सरकारले प्रयास गरिरहेको समेत बताइएको छ ।

नेपालमा हाल तीन प्रकारको खोपहरु प्रयोगमा रहेका छन्। कोभिशिल्ड, जोन्सन एण्ड जोन्सन र भेरोसेल । अब भने १२ वर्ष माथिका बालबालिकालाई समेत दिन मिल्ने फाइजर र मोडर्ना खोप ल्याउन लागिएको छ । अहिले सम्म प्रयोग भएका सबै खोप १८ वर्ष माथिका उमेर समूहलाई मात्र दिन मिल्ने खोप हुन्।